ઓમિક્રોન ભારતના પહેલા દર્દીઃ જ્યાં સુધી જીનોમ સિક્વન્સિંગનો રિપોર્ટ આવ્યો ત્યાં સુધી તે દુબઈ પહોંચી ગયો છે. તેણે કોરોનાનો નેગેટિવ રિપોર્ટ બતાવીને હોટલ સ્ટાફને ચકમા આપ્યો.
બેંગલુરુ: કર્ણાટકના બેંગલુરુમાં કોરોના વાયરસના નવા પ્રકાર ઓમિક્રોનથી સંક્રમિત બે કેસ મળી આવ્યા છે. પરંતુ આ દરમિયાન એક એવા સમાચાર સામે આવ્યા છે જેણે દરેકને હેરાન કરી દીધા છે. ખરેખર સાઉથ આફ્રિકાના એક નાગરિક ભારત આવી દુબઈ પરત ફરી ગયા, તે પણ ઓમિક્રોનથી સંક્રમિત હતા. જ્યારે તે દુબઈ પરત ગયા, ત્યાર પછી જીનોમ સિક્વન્સિંગના રિપોર્ટ આવ્યા. માનવામાં આવે છે કે તે ભારતમાં ઓમિક્રોનનો પહેલો કેસ હતો.
ઓમિક્રોનથી સંક્રમિતનો મુસાફરી ઈતિહાસ: ધ ટાઈમ્સ ઓફ ઈંડિયામાં છપાયેલા એક અહેવાલ મુજબ ઓમિક્રોનથી સંક્રમિત સાઉથ આફ્રિકાના નાગરિકની ઉંમર 66 વર્ષ છે. તે એક ફાર્માસ્યુટિકલ કંપનીના પ્રતિનિધિ છે. ઓમિક્રોન સંક્રમિત 27 નવેમ્બરે ભારતના બેંગ્લોરથી પરત દુબઈ ચાલ્યા ગયા. આ વ્યક્તિ 20 નવેમ્બરે સાઉથ આફ્રિકાથી ભારત આવ્યા હતા. જ્યારે તે બેંગ્લોર પહોંચ્યા હતા તો તપાસમાં તેમનો રિપોર્ટ નેગેટિવ આવ્યો હતો.
સ્ટાર હોટલમાં રોકાયા હતા ઓમિક્રોન સંક્રમિત: જણાવી દઈએ કે 20 નવેમ્બરે દક્ષિણ આફ્રિકાના આ નાગરિક બેંગ્લોરના વસંતનગરમાં સ્ટાર હોટલમાં રોકાયા હતા. જ્યાર પછી તેણે કોરોના ટેસ્ટ કરાવ્યો તો તે કોવિડ-19 પોઝિટિવ મળ્યા.
હોટલ સ્ટાફને આ રીતે આપ્યો ચકમા: ત્યાર પછી 22 નવેમ્બરે આ વ્યક્તિના નમૂના જીનોમ સિક્વન્સિંગ માટે મોકલી દેવામાં આવ્યા હતા. ત્યાર પછી બીજા દિવસે 23 નવેમ્બરે આ વ્યક્તિને એક પ્રાઈવેટ લેબમાં ટેસ્ટ કરાવ્યાં, જ્યાં તેનો કોરોના રિપોર્ટ એકવાર ફરી નેગેટિવ આવ્યો. ત્યાર પછી તેણે હોટલ સ્ટાફને પોતાનો કોરોના નેગેટિવ રિપોર્ટ બતાવ્યો અને ત્યાંથી ચેક આઉટ કરી લીધું.
જિનોમ સિક્વન્સિંગનો રિપોર્ટ સામે આવ્યા પછી જ્યારે સ્થાનિક વહીવટીતંત્ર સાઉથ આફ્રિકાના તે નાગરિકની શોધમાં ગયા તો જાણવા મળ્યું કે તે પરત દુબઈ જઈ ચૂક્યા છે.
